PINANGUNAHAN ni Pangulong Ferdinand R. Marcos ang pamamahagi ng tulong sa mga taga-Negros Occidental ngayong araw ng Linggo.

Mahigit 100 benepisyaryo ang tinulungan sa ilalim ng Assistance to Individuals in Crisis Situations (AICS) at anim na mga organisasyon ng magsasaka naman ang pinagkalooban ng mga punla, corn mill, at incubator at tsekeng nagkakahalaga ng P88 milyon sa ilalim ng Philippine Rural Development Project.

Bukod dito ay dumayo ang Pangulo sa Bacolod para makisaya sa MassKara Festival at sa pagpapasinaya ng Bacolod-Murcia Marker.

Dumalo rin ang Pangulo sa situation briefing kung saan pinag-usapan ang mga proyekto at programa ng gobyerno sa rehiyon.