KINUWESTYON ni senator-judge Francis Pangilinan si dating Office of the Vice President special disbursing officer Gina Acosta kung paano niya mabeberipika ang paggamit ng confidential funds matapos sabihin na wala siyang personal na kaalaman kung paano ginastos ang pera.

Sa impeachment trial ni Vice President Sara Duterte noong Lunes, Agosto 24, tinanong ni Pangilinan kung paano matitiyak ni Acosta na tama ang mga gastusin at affidavit na isinumite sa kanya.

“How will you monitor the disbursements if according to you, you have no knowledge regarding the spending of confidential funds? Since you stated earlier that you have no knowledge on the matter, how can you verify that the expenditures and the affidavit submitted to you are correct?” tanong ni Pangilinan.

Tinanong din ni Pangilinan kung natatapos ba ang pananagutan ni Acosta sa P125 milyong confidential funds matapos mailipat ang pera kay Col. Raymund Dante Lachica, na dating namuno sa security detail ni Duterte.

Sinabi ni Acosta na nananatili siyang accountable sa pondo.

Ayon sa kanya, si Lachica ang inatasang magpatupad ng mga aktibidad sa mismong operasyon dahil mayroon itong kinakailangang kaalaman at karanasan.