GUMUHO ang dalawang palapag na gusali sa 1409 Tayuman St., Brgy. 353, Sta. Cruz, Manila noong Lunes.

Ayon sa report, bandang alas-6:45 ng gabi nag collapse ang gusali at tinatayang may halaga ng pinsala na humigit kumulang P50,000.

Nakatanggap ang mga awtoridad ng tawag sa telepono hinggil sa nasabing insidente, at nagtungo sa lugar si PMaj. Eduardo Zaragoza, hepe ng Alvarez police community precinct.

Ang nasabing istruktura gawa sa kahoy at yero luma na at hindi na tinitirhan.

Ayon sa impormasyon, dahil sa nakaraang malakas na pag-ulan, humina ang istruktura kaya ito gumuho.

Walang naiulat na nasawi o nasugatan sa pagguho.

Dumating din sa lugar ang mga tauhan ng Barangay 353 sa pangunguna ni Barangay Chairwoman Angelina Suansing Gorospe.