NAHARANG ng mga tauhan ng Bureau of Customs–Port of Clark at Philippine Drug Enforcement Agency (PDEA) ang 448 gramo ng Kush marijuana na nagkakahalaga ng P672,000.

Ayon sa BOC dumating ang shipment noong Setyembre 26 mula sa Quebec, Canada, at idineklara na prescription medicines.

Nakita umano sa x-ray scanning ang kahina-hinalang laman ng package kaya isinailalim ito sa physical examination.

Nakita umano sa loob ang mga pinatuyong dahon na nakasilid sa 21 canister.

Lumabas umano sa chemical laboratory analysis na marijuana ang mga ito.

Ngayong taon ay P124 milyong halaga ng ipinagbabawal na gamot na ang naharang sa Port of Clark.