INAPRUBAHAN ng Green Climate Fund ang Agricultural Resilience Project para sa Pilipinas.

Inaprubahan umano ang Adapting Philippine Agriculture to Climate Change (APA) Project sa ika-35 Board Meeting sa Incheon, South Korea noong nakaraang buwan.

Ang proyekto ay may kabuuang halagang $39.2 milyon. Ang GCF ang panggagalingang ng $26.3 milyon at ang gobyerno naman ng Pilipinas ang magpopondo ng nalalabing $12.9 milyon.

Ang Department of Finance (DOF) ang National Designated Authority ng Pilipinas sa GCF.

Sa ilalim ng proyekto, gagawa ng mga inisyatiba ang Department of Agriculture (DA) upang maging climate-resilient ang agricultural system ng bansa at mapataas ang climate resilience sa mga kanayunan.

Ito ang unang GCF-funded project sa bansa naipatutupad ng DA at Philippine Atmospheric, Geophysical and Astronomical Services Administration (PAGASA) sa tulong ng Food and Agriculture Organization of the United Nations (FAO).