DIRETSAHANG inamin ng Kapuso actor na si Alden Richards na nagustuhan niya si Miss Universe 2015 Pia Wurtzbach-Jauncey.

Sa latest guesting ni Alden sa GMA talkshow na “Fast Talk with Boy Abunda” nitong Lunes, Oktubre 8, naitanong ng King of Talk na si Boy Abunda ang isang tanong matagal na niyang nais sabihin kay Alden.

“Alam ko matagal na ito, but I’ve always wanted to ask you this. Nagkagusto ka kay Pia Wurtzbach?“ pahayag ni Tito Boy sa aktor.

Mabilis naming sinagot ni Alden ang tanong at sinabing, “Opo.”

Naidagdag naman ni Tito Boy ang tanong kung nakapag-confess si Alden Sa beauty queen.

“Pero naipaalam mo sa kanya?” saad niya.

“Hindi po,” sagot naman ni Alden.

Ipinaliwanag naman ni Alden kung bakit niya natipuhan si Pia. Sey ng aktor na nakikita niya raw ang pagiging simple ng beauty queen sa tuwing nagpupunta ito sa Eat Bulaga para bisitahin ang kaibigan niyang si Pauleen Luna.

“Sa ‘Eat Bulaga’ po, siyempre best friends sila ni Pauleen Luna, every now and then si Pia would go there to say hi, hello to Pauleen, tapos nag-uusap sila. Ta’s as in nakikita ko po siya nang hindi naka-glam,” sey ng “Five Break-Ups and a Romance” star.

Aniya pa na mabuti raw ang puso ng Miss Universe 2015 at nanatili raw itong humble kahit na umusbong ang ngalan sa nasabing beauty pageant.

“I can attest that she has remained the same,” wika ni Alden.