IBINANDERA ng professional strength and conditioning coach na si Ruzcko Rivero ang larawan kasama ang anak nitong basketbolistang si Ricci Rivero at rumored girlfriend niyang si Leren Mae Bautista matapos silang manood ng UAAP game.

Sa Instagram story, ibinahagi ng ama ni Ricci ang kanilang selfie matapos silang manood ng laro.

Samantala, ni-repost naman ni Ricci ang nasabing story sa kanyang sariling IG page.

Ilang beses na ring nakitang magkasama ang beauty queen-councilor at basketbolista na mabilis na kumalat din noon sa social media.

Matatandaang umingay ang ngalan ni Ricci matapos ang kontrobersyal na hiwalayan nila ng kanyang dating nobya at aktres na si Andrea Brillantes.