CAMBRIDGE, Massachusetts — Pinanumpa ni Konsul Heneral Senen Mangalile sa New York ang mga bagong opisyal ng Harvard Square Philippine American Alliance (HSPAA) noong Hulyo 24.

Ang HSPAA ay itinatag nina Satrick at Catherine Uy.

Sa pakikipagtuwang sa mga lokal na paaralan, negosyo, at mga institusyong pangkultura, naglulunsad ang organisasyon ng mga inisyatibang nagpapatibay ng ugnayan at pag-unawa sa pagitan ng iba’t- ibang kultura.

Nagpasalamat ang iba’t-ibang organisasyon ng mga Pilipino sa pagsisikap ng Konsul Heneral sa panahon ng kanyang panunungkulan.

Bilang pagtugon, ipinahayag din ni Mangalile ang kanyang pasasalamat sa pakikipagtulungan at suporta ng komunidad sa panahon ng kanyang paglilingkod.