SUGATAN ang ulo at nagtamo ng burns sa katawan ang 5-anyos na batang lalaki nang masabugan ng kuwitis sa pagsalubong ng Bagong Taon sa Barangay Bulihan, Silang, Cavite.

Nagtamo ng abrasion at sunog sa balat si alyas “Gabi” sanhi ng sumabog na kuwitis bandang alas-12:30 ng hatinggabi habang sinasalubong ang Bagong Taon.

Nilapatan ng first aid ang mga tinamong sugat ng biktima sa Saint Mazenod Hospital at ngayo’y nasa ligtas na kalagayan na, ayon sa ulat ng pulisya.

Samantala, nakikipag-ugnayan ang Silang police sa iba’t ibang pagamutan para malaman kung ilan ang mga firecracker-related incident sa naturang bayan.