SUMAKABILANG buhay noong Lunes, Setyembre 21, si Batanes Representative Ciriaco Gato Jr., chairperson ng House Committee on Health.

Si Gato, ang nag-iisang kinatawan ng distrito ng Batanes, ay isang doktor at nagsilbi bilang chairperson ng House Committee on Health. Siya rin ang pangunahing may-akda ng ilang panukalang batas na may kaugnayan sa kalusugan na inihain sa House of Representatives.

Wala pang karagdagang detalye tungkol sa kanyang pagkamatay at mga paghahanda para sa kanyang libing.

Nakiramay naman si Presidential Legislative Liaison Office (PLLO) Secretary Joey Sarte Salceda sa pamilya at constituents ni Gato at sinabing naging mabuting kaibigan niya ito.