NAGSAGAWA noong Martes ng Serbisyong Bayanihan Caravan para sa mga pulis at kapamilya ang Batangas Police Provincial Office sa pamumuno ni P/Col. Meliton Salvadora Jr. sa Camp Gen. Miguel Malvar, Batangas City.

Ang aktibidad ay dinaluhan ni Arceli Valenzuela, branch head ng Pag-IBIG Fund Batangas City Branch at iba pang stakeholders.

Binigyang-diin ng opisyal ng Pag-IBIG na ang pagtutulungan ng Pag-IBIG Fund at ng Philippine National Police ay sumasalamin sa tunay na diwa ng bayanihan.

Ang aktibidad ay naglalayong iangat ang moral at kapakanan ng mga tauhan ng PNP at kanilang mga dependent na nakatalaga sa Batangas PPO, ayon sa opisyal.

Ginawa ng caravan ang mahahalagang suporta na madaling makuha ng mga unipormadong tauhan.

Ang Serbisyong Bayanihan Caravan ay naging posible sa pamamagitan ng partnership ng Batangas PPO, PAG-IBIG, PhilHealth, Tanggapan ng Land Transportation at Kagawaran ng Agrikultura.