SAN JOSE, Tarlac–Isang 17-anyos na binatilyo ang nalunod ng tangayin ng malakas na agos ng ilog habang naliligo kasama ang kanyang mga kaibigan sa Gusing River sa Brgy. Moriones, San Jose, Tarlac.

Kinilala ng mga pulis ang biktima na residente ng Brgy Cafe, Concepcion, Tarlac.

Sinubukan pa siyang sagipin ng kanyang mga kasama ngunit nabigo ang mga ito at tuluyang lumubog sa ilog.

Naglunsad ng joint retrieval operation ang mga volunteer, Municipal Disaster Risk Reduction and Management Office (MDRRMO), Provincial Disaster Risk Reduction and Management Council (PDRRMC) ng Tarlac at mga opisyal ng barangay para hanapin ang biktima.