BILANG pagdiriwang ng Adoption and Alternative Child Care Week, sumali ang Regional Alternative Child Care Office (RACCO) IV-A at Provincial Social Welfare and Development Office (PSWDO) sa BISIG KLETA Fun Run noong Hunyo 13 sa Time Plaza, Santa Cruz, Laguna.

Layunin ng aktibidad na palawakin ang kamalayan tungkol sa adoption at alternative child care habang hinihikayat ang mamamayan na magkaroon ng aktibo at malusog na pamumuhay.

Dinaluhan ang programa ng mga kawani ng pamahalaan, mga tagapagtaguyod ng kapakanan ng bata, mga siklista, runners at iba pang miyembro ng komunidad.

Tampok din sa pagdiriwang ang Zumba, bike ride at fun run na nagtaguyod ng mas malawak na partisipasyon ng komunidad sa pagsusulong ng kapakanan ng mga bata.