NAG-ISSUE ng subpoena ang Criminal Investigation and Detection Group (CIDG) laban sa apat na hinihinalang lider ng mga grupo na konektado sa iniulat na marahas na insidente sa Maynila noong Setyembre 21 na protesta laban sa korapsiyon.

“Ayon po sa CIDG, nag-issue ng subpoena sa apat na indibidwal na hinihinalang lider ng apat na grupo na may kinalaman sa marahas na insidente,” ayon kay Police Major Helen dela Cruz, tagapagsalita ng CIDG, sa isang press briefing.

“Ang patawag nila kaninang umaga. Sa apat na iyon, isa lang po ang dumating,” dagdag pa niya.