DEDO ang 19-anyos na dalagang estudyante nang tumalon sa footbridge ng MRT station noong Biyernes sa Pasay Cty.

Wala ng senyales na may buhay pa ang biktimang si alyas Mel ng suriin ng mga medical officers ng nagrespondeng ambulansiya sanhi ng matinding pinsala sa kanyang ulo at katawan matapos bumagsak sa northbound lane ng EDSA dakong alas-5:40 ng umaga.

Huling nakitang buhay ang biktima na umiinom ng kape pasado alas-5:00 ng umaga bago nagtungo sa footbridge ng MRT-EDSA station at patalikod na tumalon.

Nagsasagawa pa rin ng pagsisiyasat ang mga tauhan ni Pasay City Police Chief P/Col. Samuel Pabonita upang matiyak kung walang foul play sa insidente.