ISANG bangkay ng babae ang nakitang nakabulagta sa damuhan sa Purok 6, Barangay Sico, Lungsod ng Lipa, Batangas, noong Huwebes, ayon kay PLt. Col. Aleli Cuyan Buaquen, hepe ng pulisya.

Ang biktima ay kinilalang isang 17 taong gulang na babae, walang trabaho at residente ng nabanggit na barangay.

Ang suspek ay naaresto sa Camarines Sur, at ayon sa mga pulis ay kinilalang ang dating live-in partner ng babae.

Sa inisyal na imbestigasyon, nagpaalam umano ang dalagita na pupunta sa party.

Ayon kay alyas “Manny,” bandang alas-12 ng tanghali ng Enero 22, 2026, naglalakad siya pauwi mula sa paaralan kasama ang kanyang kaibigan na si alyas “Hans” nang mapansin niya ang isang babaeng nakabulagta sa gitna ng damuhan.

Nang papalapit sa lugar upang kumpirmahin, positibong kinilala niya ang nakahandusay na babae ay ang nawawala niyang kapatid, na wala nang buhay nang matuklasan.

Kaagad ipinaalam ni Manny sa kanilang ama ang insidente at mabilis na iniulat ng ama ang bagay na ito sa mga awtoridad ng barangay, at agad na ipinagbigay-alam naman sa Lipa City Police Station.