HINILING umano ni Philippine Foreign Affairs Secretary Enrique Manalo kay Foreign Minister Retno Marsudi ng Indonesia na bigyan ng executive clemency ang Pinay na si Mary Jane Veloso na nasa death row sa Indonesia.

Ayon kay Press Secretary Trixie Cruz-Angeles hiniling ni Manalo ang pagbibigay ng executive clemency ng makausap nito si Marsudi noong Setyembre 4.

Ipararating umano ni Marsudi ang kahilingang ito sa ministry of justice ng Indonesia.

Sa kanyang pagpunta sa Indonesia, hiniling ng mga kaanak ni Veloso kay Pangulong Ferdinand “Bongbong” Marcos Jr. na ipaki-usap na bigyan ito ng executive clemency.

Si Veloso ay hinatulan sa kasong drug trafficking noong 2010.