CABANATUAN CITY–Nasa P428,400 na halaga ng shabu ang nasamsam sa naarestong drug suspek sa Santo Domingo, Nueva Ecija noong Biyernes.

Kinilala ann naaresto na si alyas Palos, 28, na nahuli sa Brgy. Baloc, Sto. Domingo dakong ala-1:30 ng madaling araw.

Ang suspek, na tinawag bilang isang HVI, ay nagbenta ng P500 na halaga ng shabu sa isang undercover na pulis na humantong sa kanyang pag-aresto.

Nakumpiska sa suspek ang 63 na gramo ng shabu na nagkakahalaga ng P428,400.

Inihahanda na ang mga kasong paglabag sa RA 9165 (Comprehensive Dangerous Drugs Act of 2002) na isasampa laban sa suspek, ayon kay Nueva Ecija police chief P/Col. Heryl Bruno.