ISANG nagtapos sa University of the East – Manila ang nanguna sa September 2023 Librarians Licensure Examination.

Si Zamylle Ross Belaro Celso ay nakakuha ng 88.85 porsyentong rating at pinakamataas sa 555 na pumasa. Mayroong 886 na kumuha ng pagsusulit, ayon sa Professional Regulations Commission.

Pumangalawa naman si Ana Lizette Santos Curitana ng National Teacher’s College (88.45%) at sinundan nina Floralene Fe Caberoy Marquez ng Notre Dame of Dadiangas University Inc. (88.40%).

Pang-apat naman si John Zechariah Tendecia Basul ng Philippine Normal University-Manila (88.35%), at pang-lima naman si Lemuel Capulong Solano ng University of the Philippines-Diliman (88.05%).