Vergeiri

HIV cases sa PH dumarami

117 Views

TUMAAS umano ang bilang ng mga nahawa ng HIV sa bansa, ayon sa Department of Health (DOH).

Sinabi ni DOH officer-in-charge Maria Rosario Vergeire na nakapagtala ng dagdag na 1,346 HIV cases noong Hulyo.

Ngayong taon ay nasa 150,000 umano ang bilang ng mga mayroong HIV-AIDS sa bansa mahigit doble ng 72,000 HIV cases noong 2017.

Mula noong 2020 ay lumaki umano ang bilang ng mga nahahawa ng HIV dahil sa male-to-male sex.

Nanawagan si Vergeire sa mga nahawa ng HIV na alamin ang mga programa ng gobyerno para sa kanila upang malimitahan ang epekto ng naturang sakit.