SA layuning mas itaas ang kalidad ng serbisyo at seguridad, nakiisa si Brigadier General Ferdinand L. Marcelino, AFP, Provost Marshal General ng Sandatahang Lakas ng Pilipinas, sa Strategic Intelligence and Leadership Development Seminar na idinaos noong Lunes sa PRO 4A Multi-Purpose Hall sa Kampo Vicente Lim, Calamba City, Laguna.

Ang seminar ay dinaluhan ng mga piling bumbero at unipormadong tauhan ng PNP mula sa iba’t ibang estratehikong yunit.

Naging sentro ng talakayan ang pagpapalalim ng kaalaman sa pagsusuri ng impormasyon, etikal na pagpapasya, at modernong pamamahala ng organisasyon.

Ayon sa pamunuan, ang hakbang na ito ay bahagi ng pagpapatatag ng intelligence-driven policing upang mas maging epektibo ang mga operasyon laban sa kriminalidad.

Sa pamamagitan ng kolaborasyong ito, inaasahang mas magiging matatag ang pundasyon ng pamumuno sa hanay ng kapulisan, na magbubunga ng mas mapagkakatiwalaang serbisyo publiko para sa mga mamamayan.