INAASAHANG lalagpas ng P250 milyon ang jackpot prize ng Grand Lotto 6/55 sa bola nito sa Sabado.

Ayon sa Philippine Charity Sweepstakes Office (PCSO) walang nakakuha sa winning number combination na 54-10-17-53-39-06 na lumabas sa bola noong Miyerkoles, Hunyo 22.

Umabot sa P247.174 milyon ang aktwal na jackpot sa naturang bola.

Nanalo naman ng tig-P100,000 ang 23 mananaya na nakakuha ng lima sa anim na numerong lumabas. Tig-P1,500 naman ang tinamaan ng 1,643 mananaya na nakaapat na numero at tig-P60 naman ang 38,971 mananaya na nakatatlong numero.