INIULAT ng Philippine Charity Sweepstakes Office (PCSO) na tinamaan ang jackpot prize ng UltraLotto 6/58 na binola gabi ng Biyernes, Agosto 11.

Ito ang ikalawang beses na tinamaan ang jackpot prize ng UltraLotto ngayong Agosto.

Ang una ay noong Agosto 8 na nagkakahalaga ng P87 milyon.

Sa pinakahuling bola, lumabas ang winning number combination na 50 – 46 – 57 – 40 – 04 – 19. Isa lang ang tumama ayon sa PCSO.

Isa naman ang nanalo ng P120,000 matapos nakuha ang lima sa anim na numerong lumabas.

Tig-P2,000 naman ang tinamaan ng 230 mananaya na naka-apat na numero at tig-P100 ang 6,730 mananaya na nakatatlong numero.

Ang mga nanalo ay mayroong isang taon para kunin ang kanilang premyo. Ang premyo na mahigit P10,000 ang halaga ay pinapatawan ng 20% buwis.

No Matter How Bad Yesterday Was, It Is Now Part Of The Past