TIMBOG ang dalawang lalaki na nahuli sa aktong ninenenok ang parte ng signboard noong Miyerkules sa Makati City.

Nabuko ang pagnanakaw nina alyas Jeslie, 28; at Jave, 26, nang marinig ng mga security guards sa Buendia Avenue, Brgy. Bel Air ang ingay dahil sa pagbaklas sa karatula dakong alas-3:40 ng umaga.

Nang lumabas sila sa gusali, nakita ang dalawa na binabaklas ang mamahaling karatula kaya dinala ang mga suspek sa Poblacion Police Sub-Station-6 para sa paghahain ng kasong pagnanakaw.

Nakumpiska sa dalawa ang iba’t-ibang binaklas na bakal na nagkakahalaga ng P123,00.

Pinuri ni Southern Police District (SPD) Director P/BGen. Rodel Pastor ang mga pulis.