DEAD-on-the-spot ang karpintero nang barilin sa tindahan sa Block 1, Gasangan Baseco compound, Port Area, Manila noong Martes.

Nakilala ang biktima na si alyas Walter, 51, ayon sa report.

Naaresto ang dalawang suspek ng mga operatiba ng Manila Police District-Baseco Police Station 13 na sina alyas Mart, 34; at Jonathan, 34.

Base sa report ni Police Lieutenant Colonel Rommel Anicete, station commander ng Baseco Police Station 13, bandang ala-1:30 ng madaling araw nang pagbabarilin ang biktima.

Nagtamo ng mga tama ng bala sa likod ang biktima na nagresulta ng kanyang agarang kamatayan.

Inaalam pa nila Police Lieutenant Colonel Rommel Anicete ang motibo sa pagpatay ng dalawang suspek sa 51-anyos na karpintero sa Baseco compound, Port Area, Manila.