NAKORNER ang 36-anyos na lalaki na may hawak na baril ng mga pulis ng Manila Police District (MPD) sa Quezon Bridge, Brgy. 384 Quiapo, Manila noong Lunes.

Nakilala ang suspek na si alyas Mark Jun, ayon sa report ni Police Lieutenant Colonel Arwen Nacional, hepe ng MPD-Barbosa Police Station 14.

Nakita ng mga pulis na may improvised short firearm ang suspek kaya nilapitan nina PSSg Silverio Pascua at PMSg Jepthe De Lumen.

Sinubukan pang tumakas ang suspek ngunit pinigilan at dinisarmahan ng mga pulis.

Narekober mula sa suspek isang pen gun na may kargang isang bala ng cal .38.

Paglabag sa RA 10591 ang ikakaso sa suspek.