ARESTADO ang isang lalaki na buking na nagnanakaw ng diesel at isinasalin sa container sa CMT CRUZ MATE compound sa Manila Harbour Centre sa Mel Lopez Boulevard, Tondo, Manila noong Lunes.

Nakilala ang suspek na si alyas Joey, 37, na ayon sa pulisya bandang alas-10:05 ng umaga nagnakaw sa nabangit na lugar,.

Isinalin ng suspek sa 1 storage container ang 25 litro ng diesel na nagkakahalaga ng humigit-kumulang P1,725 pero namataan ng saksi na si alyas Roger kaya nahuli ang suspek nina Pat Alvin Chester Buan at Pat Kenneth Rosal.

Nakakulong sa himpilan ng pulis ang suspek at nahaharap sa kasong qualified theft.