BINUKSAN na sa pangunguna ni Gob. Sol Aragones sa Laguna ang kauna-unahang chemotherapy center noong Abril 8 sa Laguna Medical Center sa Sta. Cruz, Laguna.

Mahalagang hakbang para mapalapit ang gamutan laban sa cancer sa mga Lagunense ang pagkakaroon ng chemo center.

Layunin ng programa na maghatid ng libre at dekalidad na gamutan, lalo na para sa mga pasyenteng higit na nangangailangan at naisakatuparan sa pagtutulungan ng Provincial Health Office, Laguna Health Team at We Hope Medical Group.

Nakiisa sa ribbon-cutting ang mga chief of hospital, Laguna Health consultant Dr. Eric Tayag, Provincial Health Officer na si Dr. Odilon Inoncillo at mga kinatawan ng We Hope Medical Group.