GUIMBA, Nueva Ecija–Laglag sa kamay ng mga pulis ang 37-anyos na lalaki dahil sa kasong qualified theft.

Hindi na nanlaban ang naarestong suspek nang isilbi ng mga awtoridad ang warrant of arrest sa kanyang bahay sa Brgy. Sto. Cristo dakong alas-7:00 ng umaga sa bayang ito.

Ang pag-aresto sa suspek isinagawa sa bisa ng warrant of arrest para sa qualified theft na inisyu ng Presiding Judge ng San Fernando City, Pampanga Regional Trial Court Branch 43.

May inirekomendang P120,000 na piyansa para sa pansamantalang kalayaan ng suspek.