TODAS ang ginang at sugatan ang dalawang anak niya nang magulungan ng malaking tipak ng bato ang kanilang tahanan sa landslide na naganap sa Sitio Macopoy, Brgy. Mascap, Rodriguez, Rizal noong Linggo.

Dead-on-arrival sa Ynares Hospital, ayon kay Dr. Kimberly Ann Pascual, ang biktimang si alyas Florisel dahil sa malubhang injuries sa mga tama ng malaking tipak ng bato na nagpaguho sa kanilang bahay.

Ligtas na ang dalawa niyang anak na sina alyas Miro, 2; at Jacob, 12, na nagtamo ng mga galos sa katawan.

Dakong alas-5:30 ng umaga nang makarinig ng malakas na pagguho ng mga bato mula sa bundok ang mga saksi.