TIYAK na may magandang pamasko si Pangulong Ferdinand “Bongbong” Marcos Jr. sa taong bayan.

Ito ay dahil sa lalagdaan na ni Pangulong Marcos ang P6.352 trilyong 2025 national budget bago ang Araw ng Pasko.

Ito ang sinabi ni Presidential Legislative Liaison Office Secretary Mark Leandro Mendoza sa ambush interview sa Palasyo ng Malakanyang.

May binuo ng technical working group na maglalatag ng summary sa mga probisyon na hindi napagkakasunduan ng Senado at Kamara.

Oras na magkasundo ang mga mambabatas, dadaan ito sa bicameral conference committee at raratipikahan bago isumite sa tanggapan nni Pangulong Marcos.