MAKATATANGGAP ng dobleng bayad ang mga empleyado na papasok sa Hunyo 28, ang pagdiriwang ng Eid’l Adha.

Batay sa Labor Advisory No. 14, Series of 2023, na inilabas ni Labor Secretary Bienvenido E. Laguesma ang Eid’l Adha o Feast of Sacrifice na isa sa pinakamahalagang araw para sa mga Muslim ay isang regular holiday.

Kung hindi naman papasok sa trabaho ang manggagawa sa nabanggit na araw, siya ay makatatanggap ng 100 porsyento ng kanyang arawang sahod.

Kung mag-o-overtime naman ang empleyado, may dagdag na 30 porsyento ang kada oras na ipapasok nito na lagpas sa walong oras.