LABIS ang pagdadalamhati ng pamilya ng 7-taong-gulang na batang babae na nasawi nang makulong sa nasusunog nilang bahay noong Linggo sa Las Piñas City.

Sa ulat ng Las Piñas Bureau of Fire Protection, sumiklab ang sunog sa bahay ng biktima sa Golden Acres, Barangay Talon Uno dakong alas-3 ng hapon.

Mag-isang naiwan sa loob ng bahay na naka-lock ang bata dahil nagsimba ang kanyang mga magulang.

Umabot sa ikalawang alarma ang sunog bago tuluyang naapula pasado alas-4 ng hapon.

Nang pasukin ng mga bumbero ang bahay, nakita ang bangkay ng bata sa loob ng comfort room na posibleng nahirapan ng makahinga dahil sa makapal na usok.

Umabot din sa 40 kabahayan ang naabo na nagresulta sa pagkawala ng tirahan ng 50 pamilya.