MULING namayagpag sa vice presidential survey ng Pulse Asia si Davao City Mayor Sara Duterte.

Nakapagtala si Duterte ng 53% sa survey na isinagawa mula Pebrero 18-23.

Ang kanyang nakuha ay mahigit doble ng 24% na naitala ng pumapangalawang si Senate President Tito Sotto III.

Pumangatlo naman si Sen. Kiko Pangilinan na nakapagtala ng 11% at sinundan nina Doc Willie Ong na may 6% at Buhay party-list Rep. Lito Atienza na naka-1%.

Nanguna si Duterte sa lahat ng lokasyon ng survey. Nakapagtala ito ng 48% sa National Capital Region (NCR), 41% sa balanse ng Luzon, 51% sa Visayas, at 82% sa Mindanao.