NAKUHA ni Davao City Mayor Sara Duterte ang mahigit sa kalahati ng voter preference sa vice presidential survey ng OCTA Research.

Nakapagtala si Duterte ng 56 porsyentong voter preference na nangangahulugan na hindi na ito matatalo kahit pa pagsama-samahin ang boto ng lahat ng kanyang kalaban.

Ang nakuha ni Duterte ay mahigit doble ng 22 porsyento na nakuha ng pumapangalawang si Senate President Tito Sotto III.

Nasa pangatlong puwesto naman si Sen. Kilko Pangilinan na nakakuha ng 16 porsyento at sinundan ni Buhay Rep. Lito Atienza na may 4 porsyento.

Ang iba pang kandidato sa pagkabise presidente ay nakakuha ng isang porsyento o mas mababa pa.