MAGANDANG araw sa lahat ng ating mga suki, lalo na sa mga kababayan natin sa Japan.

Nawa’y nasa maayos at ligtas kayong kalagayan.

Binabati natin sina Ma.Theresa Yasuki, Patricia Coronel, La Dy Pinky, Mama Aki, Tata Yap Yamazaki, Endo Yumi, Lorna Pangan Tadokoro, Winger dela Cruz, Yoshiko

Katsumata, Hiroki Hayashi, Roana San Jose at Hiroshi Katsumata.

Ganun din kay Joann de Guzman at iba pang OFW natin sa Oman.

Mabuhay kayong lahat!

(Para sa inyong pagbati at opinyon, mag-text sa  # +63 9178624484)

***

Nakatuon ngayon ang atensyon ng buong bansa sa mga ma-anomalya umanong flood control projects.

Pero sigurado naman tayong hindi nadi-distract ang atensyon ng mga taga-Bureau of Customs (BOC) .

Nakatutok ang atensyon nila sa pangongolekta ng tamang buwis at taripa na siya naman talaga ang pangunahin nilang trabaho.

Ang liderato ng ahensya, sa pangunguna ni Commissioner Ariel S. Nepomuceno, ay determinado na abutin ang revenue collection target sa taong ito.

Naniniwala naman tayo na makakamit ng BOC ang assigned tax take na P1 trilyon.

Huwag tayong makisawsaw sa problema ng ibang ahensya ng gobyerno, kasama na ang pagbabaha.

Asikasuhin na lang ng BOC ang paglaban sa katiwalian, ismagling, technical at outright, at computerization program.

Sa dami ng mga problema sa aduana, walang mabuting ibubunga ang pakikialam sa trabaho ng ibang ahensya.

Huwag ninyong kalimutan na meron na lamang apat na buwan at matatapos na ang taong 2025.

Tutok lang sa inyong mga gawain.

Nandiyan si Pangulong Marcos nanangunguna ngayon sa pagresolba ng katiwalian at korapsyon sa gobyerno.

Kayang-kaya niyang tapusin ang sinimulan niyang anti-corruption drive.

May kanya-kanyang mandato ang mga ahensya ng gobyerno.

Alam nila ang kani-kanilang mga trabaho. Ang kailangan lang ay magtulungan ang mga nakatira taga-aduana.

Ika nga, “united we stand, united we fall.”

****

Siguradong matatanggap sa oras ang mga Christmas gifts na ipinapadala ng mga overseas Filipino workers (OFWs) sa kanilang mga kamag-anak at kaibigan sa Pilipinas.

Sa tingin natin ay na-perfect na ng Bureau of Customs (BOC) ang “art of speeding up the release of “balikbayan boxes.”

Ang mga kahon na ito ay naglalaman ng mga pang-regalo ng mga OFWs sa mga mahal sa buhay sa bansa.

Sa totoo lang, ang pagdating ng boxes ang nagpapasaya sa isang pamilya sa Pilipinas.

Alam ito nina Commissioner Ariel S. Nepomuceno kaya siguradong matatanggap ng mga recipients ang kanilang mga pamasko bago December 25.

Kaya dapat piliing mabuti ng mga OFWs ang mga delivery companies na may mga magandang record.

Baka naman pwedeng maglabas ang BOC ng listahan ng mga matitinong delivery firms.