NAGLABAS ng anunsyo ang Philippine Embassy sa Moscow ang pinag-iingat ang mga Pilipinong naroon sa gitna ng napaulat na rebelyon ng isang pribadong mercenary group.

Ang anunsyo ay ipinost ng Embahada sa kanilang Facebook page.

Nagbabala rin ang Embahada sa mga Pilipino na huwag bumisita sa mga matataong lugar o sumali sa mga protesta at lantarang magpahayag ng kanilang saloobin.

Nanawagan din ang Embahada sa mga Pilipino na nasa Rostov-on-Don, Belgorod, at iba pang lugar sa Ukraine-Russia border na ipabatid sa kanila ang sitwasyon ng mga ito.

Ayon kay Philippine Ambassador to Russia Igor Bailen mayroong 10,000 Pilipino sa Russia.

Ayon kay mercenary chief Yevgeny Prigozhin nakubkob na ng kanilang grupo ang Rostov-on-Don, isang siyudad sa Russia.