KAMPO HENERAL MALVAR, Lungsod ng Batangas–Arestado ng mga pulis ang isang construction worker dahil sa kasong panghahalay sa Sitio De Guzman, Brgy. Sabang, Tuy, Batangas noong Biyernes.

Ayon kay Batangas police director P/Col. Marlon Rufo, ang akusado, si alyas Mark, 26, residente ng nasabing lugar.

Isinagawa ang pag-aresto sa bisa ng warrant of arrest para sa kasong statutory rape.

Walang inirekomendang piyansa kapalit ng pansamantalang kalayaan ng suspek.

Nasa kustodiya ng Tuy police ang akusado habang inihahanda ang mga kinakailangang dokumento para sa pagbabalik ng warrant of arrest sa nag-isyu na korte.