NI-raid ng mga operatiba ng National Bureau of Investigation- Pampanga District Office (NBI-PAMDO) ang isang gambling den noong Mayo 21 sa Angeles City, Pampanga.

Anim ang naaresto sa raid na nago-operate ng gambling den.

Sinalakay ang gambling den sa tulong ng search warrant galing sa Presiding Judge ng RTC Branch 81, Malolos City, Bulacan, para sa paglabag sa Presidential Decree No. 1602 (Prescribing Stiffer Penalties on Illegal Gambling).

Personal na nasaksihan ng mga operatiba ang mga tumataya na nakikibahagi sa ilegal online gambling activities.

Ang mga arestado ay nahuli na nangangasiwa at namamahala sa isang walang lisensyang online na platform ng pagtaya, nagpapadali sa mga taya, nagpapatakbo ng software sa pagsusugal at nangongolekta at naglalabas ng mga nalikom sa pagsusugal.

Inulit ni NBI director Melvin Matibag ang kanilang pangako sa pagpapaigting ng mga operasyon laban sa cyber-enabled na mga ilegal na aktibidad.