KAMPO HENERAL MALVAR, Batangas City — Nasakote ng mga awtoridad ang isang negosyante at mang-aawit dahil sa kasong panghahalay sa Brgy. Tierra Alta, Taal, Batangas noong Lunes.

Kinilala ang suspek na si alyas Jem, 36, ayon kay Batangas police director P/Col. Meliton Salvadora Jr.

Ang pag-aresto ay isinagawa base sa warrant of arrest na inilabas ng presiding judge ng Regional Trial Court (RTC) Fourth Judicial Region, Branch 86 sa Taal, Batangas.

Itinakda ang piyansang P200,000 kapalit ng pansamantalang paglaya ng suspek.

Nakadetine ang suspek sa piitan ng Taal police habang hinihintay ang karagdagang proseso ng kanyang kaso.