Calendar
Nanumpa si Undersecretary Ariel Nepomuceno, Administrator ng Office of Civil Defense (OCD), bilang bagong Komisyoner ng Bureau of Customs (BOC) sa harap ni Pangulong Ferdinand R. Marcos Jr. sa Malacañang nitong Lunes (Hunyo 30, 2025). Papalitan ni Nepomuceno si Bienvenido Rubio bilang pinuno ng Aduana. Larawan mula sa PCO
Nepomuceno ng OCD itinalagang bagong hepe ng aduana
ITINALAGA ni Pangulong Ferdinand R. Marcos Jr. si Ariel Nepomuceno bilang bagong Komisyoner ng Bureau of Customs (BOC) nitong Lunes.
Si Nepomuceno, na dating Administrator ng Office of Civil Defense (OCD), ang papalit kay Bienvenido Rubio bilang pinuno ng BOC.
Ginawa ang panunumpa sa Malacañang, bilang bahagi ng patuloy na reorganisasyon sa Gabinete ni Marcos matapos ang halalan noong 2025.
Nauna nang inihayag ni Rubio ang kanyang pagbibitiw bilang tugon sa panawagan ng Pangulo para sa courtesy resignations mula sa mga miyembro ng Gabinete at iba pang mataas na opisyal, bilang hakbang sa muling pagsasaayos ng liderato para sa ikalawang hati ng kanyang termino.
Si Nepomuceno na ngayon ang mamumuno sa isa sa pinakamahalagang ahensya sa bansa pagdating sa kita at proteksyon sa mga hangganan.
Wala pang pahayag mula sa Palasyo kung sino ang papalit kay Nepomuceno sa OCD sa oras ng pagsulat ng balitang ito. Philippine News Agency
