NAKAUMANG na naman ang pagtataas ng presyo mga produktong petrolyo sa susunod na linggo batay sa apat na araw na kalakaran sa pandaigdigang pamilihan ng langis, ayon sa Department of Energy (DOE).

Sa tantya ng DOE, tataas ng humigit-kumulang sa 50 sentimos kada litro ang gasolina, 40 sentimos kada litro ang diesel at 10 sentimos ang kerosina.

Ayon kay DOE-Oil Industry Management Bureau (OIMB) Assistant Director Rodela Romero, bunga ng pagbagsak ng supply ng langis ng Estados Unidos at ang patuloy na tensiyon sa pagitan ng Israel at Iran ang ugat ng panibagong oil price increase

Karaniwan ng nag-aanunsiyo ng panibagong paggalaw sa presyo ng produkto ang mga kompanya ng langis tuwing Lunes at iim-implement sa Martes simula alas-6:01 ng umaga.