BILANG agarang tugon sa mga nagdaang lindol sa Cebu at Davao, pinangunahan nina Kinatawan Linabelle Ruth Villarica at Gina de Venecia, mga Co-President ng Association of Women Legislators Foundation, Inc. (AWLFI), ang pangangalap ng P1.1M na pondo mula sa mga babaeng mambabatas para sa tulong sa mga biktima ng lindol.

Ang halagang P500,000 para sa Davao at P600,000 para sa Cebu ay naipagkaloob noong Oktubre 21, 2025 at Oktubre 13, 2025, ayon sa pagkakasunod, sa mga Kinatawan ng Kongreso na sina Nelson “JR” Dayanghirang ng Unang Distrito ng Davao Oriental, at Sun Judal Shimura ng Ika-apat na Distrito ng Cebu.