WALANG tumama sa P265.2 milyong jackpot prize ng Grand Lotto 6/55 sa bola noong Sabado, ayon sa Philippine Charity Sweepstakes Office (PCSO).

Hindi umano nakuha ang winning number combination na 22-51-41-31-16-39.

Sa bola sa Lunes ng gabi, Hunyo 27 inaasahan na lalo pang lalaki ang jackpot prize.

Samantala, nanalo naman ng tig-P100,000 ang 10 mananaya na nakakuha ng lima sa anim na numerong lumabas.

Tig-P1,500 naman ang tinamaan ng 1,296 mananaya na nakaapat na numero at tig-P60 ang napanalunan ng 34,227 mananaya na nakatatlong numero.