TINATAYANG P3.4 milyong halaga ng shabu na itinago sa package na idineklarang diaper bag ang tinangkang ipasok sa bansa.

Ayon sa Bureau of Customs-Port of Clark galing ang package sa Incheon, South Korea.

Pagdating ng package sa bansa ay sumailalim ito sa x-ray scanning kung saan nakita ang organic substance kaya isinailalim ito sa 100% physical examination.

Dito nadiskubre ang limang sachet na naglalaman ng crystalline substance. Sa laboratory test lumabas na ito ay shabu.