NA-intercept ng Bureau of Customs-Ninoy Aquino International Airport (BOC-NAIA) agents ang 8 bagahe mula sa 4 na pasahero na dumating mula Bangkok, Thailand at natuklasan ang tinatayang 41,551 kilo ng pinaghihinalaang marijuana na may halagang P62.326 milyon noong Hulyo 30.

Ang mga bagahe ay isinailalim sa masusing inspeksyon matapos makitaan ng kahina-hinalang resulta sa X-ray screening at K9 inspection na isinagawa ng Philippine Drug Enforcement Agency (PDEA).

Patuloy ang imbestigasyon sa presensya ng BOC, PDEA, Bureau of Immigration (BI), at iba pang law enforcement agencies. Maglalabas ng karagdagang detalye ang mga ahensya sa lalong madaling panahon.