MAGBUBUKAS ng bagong flight ang Philippine Airlines sa loob ng Bangsamoro Autonomous Region in Muslim Mindanao (BARMM).

Sa Hunyo 9 ay sisimulan na ang Cotabato City – Bongao, Tawi-Tawi flight, ang kauna-unahang flight sa loob ng BARMM.

Ayon sa PAL, dalawang beses kada linggo ang biyahe sa naturang ruta—tuwing Lunes at Huwebes.

Ang flight mula Awang Airport sa Cotabato patungong Sanga-Sanga airport sa Tawi-Tawi ay alas-7:30 ng umaga, ang pabalik naman ay 9:40 ng umaga.

Dahil dito hindi na kakailanganin pang bumiyahe muna sa Maynila ang mga nasa Cotabato na pupunta sa Tawi-Tawi o ang mga nasa Tawi-Tawi na pupunta sa Cotabato.