Tugade

Grab magbibigay ng libreng sakay sa NAIA

Jun I Legaspi Jun 5, 2022
201 Views

Magbibigay ng libreng sakay ang Grab Philippines sa mga pasahero na manggagaling sa Ninoy Aquino International Airport (NAIA) Terminals 2 at 3.

Nagpasalamat naman si Transportation Sec. Art Tugade sa Grab na maglalaan ng 100 unit para maghatid ng pasahero mula sa NAIA papunta sa National Capital Region (NCR).

Ang libreng sakay ng Grab ay magsisimula sa Hunyo 15 at magtatagal hanggang Hunyo 30 mula alas-8 hanggang 11 ng gabi.

Ang mga pasahero na nais na makakuha ng libreng serbisyo ay kailangan lamang mag-book sa Grab booth na matatagpuan sa Arrival Area ng terminal.

Ayon sa Grab ang libreng sakay ay bahagi ng kanilang pasasalamat kay Tugade at Pangulong Rodrigo Duterte.