NAGTALAGA si Pangulong Ferdinand R. Marcos Jr. ng bagong ambassador ng Pilipinas sa Turkiye at Oman.

Ayon sa Presidential Communications Office (PCO) itinalaga ng Pangulo si Henry Bensurto Jr. bilang Ambassador Extraordinary and Plenipotentiary to the Republic of Turkiye.

Ang ambassador sa Turkiye ang may sakop sa Georgia at Azerbaijan.

Si Bensurto ay kilalang eksperto sa UN Convention on the Law of the Sea (UNCLOS) at maritime security laws.

Itinalaga naman umano ni Pangulong Marcos si Raul Hernandez bilang ambassador to the Sultanate of Oman Chief of Mission I.

Si Hernandez ay dating spokesperson ng Department of Foreign Affairs (DFA).