NASAGIP ng Coast Guard District Western Visayas (CGDWV) ang siyam na mangingisda matapos lumubog ang kanilang motorbanca, ang FBCA KIMSYVEL, 19 nautical miles timog-kanluran ng Nogas Island, Anini-y, Antique, noong Disyembre 8, 2025.

Isinagawa ng BRP Kalanggaman (FPB-2404) ang search and rescue operations at nagbigay ng agarang medikal na tulong sa lahat ng nasagip, na nasa maayos na kondisyon.

Ayon sa District, “Patuloy na naninindigan ang CGDWV sa pangangalaga ng buhay sa karagatan sa pamamagitan ng tuluy-tuloy na pagpapatrolya at mabilis na pagtugon sa mga emerhensiya. Hinihikayat ang publiko na iulat ang anumang insidente ng panganib sa dagat sa mga opisyal na channels ng Philippine Coast Guard.”